It's Lolit Solis Versus Annabelle Rama!

Hindi na napigilan ng talent manager na si Lolit Solis ang tumahimik lamang tungkol sa isyu ng isnaban sa pagitan ng alaga niyang si Lani Mercado at ni Ruffa Gutierrez.

Noong Linggo, March 2, ay nagpahayag si Ruffa sa The Buzz ng kanyang pagkadismaya sa diumano'y hindi pagpansin sa kanya ni Lani noong birthday party ng SVP for Entertainment TV ng GMA-7 na si Ms. Wilma Galvante.


Ayon sa kuwento ni Ruffa sa interview ng The Buzz, "Alam mo naman ako, forever Miss PR. ‘Hi, hello.' So, siyempre kiss ako. ‘Hello, Senator. Hello, Lani.' Siyempre nakaganun yung lips ko [iminuwestra ang kanyang labi], ‘Hello.' Tapos bigla akong tinalikuran."



Patuloy niya, "She left my poor perfect pouty lips in the air na like that. Siyempre, napahiya naman ako, di ba? My God, in-ignore ako! Ano kaya ang ginawa ko? And then, ‘pag ganun [paghalik] ko, she just turned around, tinalikuran and then she left. Sabi ko, ‘Donita [Rose], nakita mo ‘yon? What did I do? Bakit niya ako tinalikuran?"



Sa kabilang banda, pinili naman ni Lani ang manahimik na lang ukol sa isyu upang maiwasan na ang paglaki nito.



LOLIT'S REACTION. Ngunit hindi nagpaawat ang TV host-columnist sa pagbibigay ng kanyang opinyon. Bilang sagot sa mga naging pahayag ni Ruffa, kinapanayam ng entertainment columnist na si Ogie Diaz sa kanyang showbiz radio program na Wow, Ang Showbiz! ang talent manager na si Lolit. Siya ang humahawak sa showbiz career ng mag-asawang Bong Revilla at Lani Mercado.



Ayon sa interview kay Manay Lolit, na nailathala rin sa People's Journal ngayon, March 5, sinabi niya, "Ang ipinagtataka ko lang, ba't kailangang maging obligasyon ni Lani ang batiin ang kahit sino? Ang mga na-link sa asawa niya, eh, siya ang legal wife?



"Hindi pa ba sapat na civil lang si Lani at kailangan talaga, makipagplastikan yung tao sa mga nali-link sa asawa niya, sa mga sumasabit-sabit na babae kay Bong?"



Dagdag pa ni Lolit, nalaman pa raw tuloy ng publiko na naging magkarelasyon noon sina Ruffa at Bong dahil sa paglabas ng isyu na ito.



Aniya, "'Day, sa totoo lang, hindi si Lani ang nagpalaki ng isyung ito, sila. Kung hindi sila kumibo, hindi sila nag-react, deadma, di ba?



"Ngayon, nagre-react sila dahil inisnab daw ni Lani si Ruffa, nalaman ngayon ng mga tao na may nakaraan pala si Ruffa at si Bong. Dati ba, may nasulat na naging sina Bong at Ruffa? Wala naman, ah? Kaya si Lani, tahimik lang.


"Hindi siya dapat mag-react, dahil siya ang legal wife!" mariing sabi ni Lolit.



Nang tanungin kung baka posibleng maging dahilan pa ito ng pag-aaway nila ni Annabelle Rama, ina ni Ruffa, ang matapang na sagot ni Lolit, "Naku, 'pag nakita ko si Annabelle, sasabihin ko rin sa kanya na ang daming babae ang sumasabit-sabit sa asawa niya [Eddie Gutierrez] no'n, kaya 'pag tumatalak siya, naiintindihan siya ng mga tao, dahil siya ang legal wife!"



Sa isang separate interview, nahingan din ni Ogie Diaz ng pahayag si Bong Revilla tungkol sa isyu. Ang maiksing sagot ni Bong, "Magkakaayos din 'yan. Hindi lang sila nagkaintindihan."

I Didn't Say that Sam Milby and Piolo Pascual we're Gay, says Lolit Solis

Nagsumite na ng kanyang rejoinder-affidavit ang talent manager/columnist/TV host na si Lolit Solis kaugnay ng libel case na isinampa nina Piolo Pascual at Sam Milby laban sa kanya. Ang rejoinder-affidavit ni Lolit ay isinumite kaninang bandang alas-diyes ng


umaga, Pebrero 7, kay Assistant City Prosecutor Dennis Aguila sa Manila City Hall.

Ang libel case ay kaugnay ng isinulat ni Lolit sa kanyang column na "Take It, Take It!" sa Pilipino Star Ngayon noong October 15, 2007. Ayon sa naturang column na may headline na "Sam at Piolo, naglalampungan," nakita diumano ni Lolit ang dalawang aktor na nagbubulungan sa poolside coffee shop ng Hotel Sofitel noong October 12.

Sa rejoinder-affidavit na isinumite ni Lolit, iginiit niya na hindi niya tinawag na "gay or homosexuals" sina Piolo at Sam. Hindi rin daw niya isinulat na may "homosexual activities" ang dalawa.

"I merely narrated in my article that I saw the two men ‘nagbubulungan' and as they are ‘nagbubulungan,' it obviously follows that ‘halos magkadikit na nga ang mga pisngi nila,'" paliwanag ni Lolit sa dokumento.

Iginiit din niya na "there is nothing libelous about my article."

Ikinuwento lang daw niya kung ano ang nakita niya noon.

Kinuwestiyon din Lolit ang reply-affidavits nina Piolo at Sam, kung saan nag-present sila ng affidavits ng kanilang mga testigo. Ang mga testigong ito raw ang magpapatunay na wala ang dalawang aktor sa lugar na pinangyarihan noong mga oras na sinabi ni Lolit sa kanyang artikulo. Ilan sa mga witnesses nina Piolo at Sam ay sina Rica Peralejo, Angel Locsin, Cristy Fermin, Pokwang, at ilang empleyado ng Toni and Guy Salon at Timex. Kinuha rin bilang mga testigo ng dalawang aktor ang ilang ordinaryong mamamayan upang ipakita raw ang epekto ng isinulat ni Lolit sa mga ordinaryong tao.

Ayon sa rejoinder-affidavit ni Lolit, bakit noon lang nag-present ng kanilang mga testigo sina Piolo at Sam samantalang maaari naman nila itong gawin nang nagsumite sila ng kanilang complaint-affidavit.

"The length of time that lapsed before presenting their testimonies casts serious doubts as to the reliability and authenticity of the claims of these witnesses. It was very convenient for the complainants because they had more than enough time to set their story straight and go shopping for witnesses. It was also readily apparent that these witnesses are either people under their employ/pay, or close associates and employees belonging to their home network [ABS-CBN].

"Their testimonies therefore carry very little weight for being biased and self-serving."

Iginiit din ni Lolit na walang malisya sa kanyang isinulat tungkol kina Piolo at Sam.

"I saw them with my own eyes... I have no reason to fabricate a story. I carry no grudge against any of the complainants," saad ni Lolit sa kanyang affidavit.

Bukod sa mga abogado ni Lolit na sina Atty. Malaya at Atty. Briones, dumating din sa Manila City Hall upang magbigay ng suporta ang mga alaga ng talent manager na sina Alfred Vargas, Paolo Contis, at Yasmien Kurdi. Gusto rin sanang sumunod ng isa pang alaga ni Lolit na si Mark Herras, pero kasalukuyang nagte-taping ang young actor.

Sobra naman daw na-touch si Lolit sa pagpapakita ng suporta ng kanyang mga alaga. Hindi raw niya kasi inaasahan ang pagpunta ng mga ito, lalo pa't ganung kaaga. Patunay lamang daw ito na mahal na mahal siya ng kanyang mga alaga.
Source